Allplay ustun mavqega ega platforma deb e’lon qilindi

07.08.2025 06:00
Raqobat qo‘mitasi Allplay platformasini O‘zbekiston onlayn televideniye bozorida ustun mavqega ega operator sifatida e’tirof etdi. Qo‘mita kompaniyaning bu ustun mavqeidan noto‘g‘ri foydalanmasligi uchun monitoring olib borishini ma’lum qildi.
Allplay ustun mavqega ega platforma deb e’lon qilindi

Foto: allplay

"Allmedia Safe Service" MChJ Raqobat qo‘mitasi tomonidan televideniye, kino va audio kontentni onlayn almashish platformalari bozorida ustun mavqega ega deb e’tirof etildi

Qo‘mita kompaniyaning ustun mavqeidan foydalanish holatlarining oldini olish maqsadida majburiy tartibda Monopoliyaga qarshi kompleans tizimi joriy etilishini ma’lum qildi.

Kompaniya haqida

"Allmedia Safe Service" MChJ Allplay platformasining egasi hisoblanadi. Platforma o‘zining mobil ilovasi va veb-sayti orqali onlayn xizmatlarini taqdim etadi. 

Platformada kino, televideniye hamda turli xil kontentlar mavjud. Ma’lumot uchun, kompaniya O‘zbekistonda 2016-yil noyabr oyida ro‘yxatdan o‘tgan

Uning rahbari va asosiy aksiyadori Grant Sarkisov hisoblanadi. Sarkisovning, shuningdek, yana oltita media kompaniyada ulushi mavjud.

#allplay#ustun_mavqe

Eng ko'p o'qilgan