14-fevral kuni Ko‘ksaroy qarorgohida Prezident Shavkat Mirziyoyevning O'zbekiston yoshlari bilan muloqoti bo‘lib o‘tdi.

Prezident muloqot davomida xususiy o‘quv markazlarida xorijiy tillarni o‘rganadigan yoshlarga o‘quv xarajatlari "2+6" shaklida qoplab berilishini ma’lum qildi.

Unga ko‘ra, o‘quv xarajatlarining dastlabki 2 oyi o‘quvchilarning o‘z mablag‘idan, qolgan 6 oyi esa davlat tomonidan to‘lab beriladi.

Shuningdek, endilikda "C1" darajasiga ega bo‘lgan yoshlar olis va chekka hududlarda chet tillariga ixtisoslangan o‘quv markazi ochsa, ularga 120 mln so‘mgacha foizsiz ssuda beriladi.

^{Foto: Prezident matbuot xizmati}

Avvalroq, yoshlar tadbirkorligini rivojlantirish jamg‘armasi tashkil etilgani haqida yozgandik.