7 ta davlat banki tomonidan tashkil etilgan United Ventures fondining direktori Azizbek Qurbonov direktorlik faoliyatini yakunlamoqda. Bu haqda u o‘zining LinkedIn sahifasida ma’lum qildi.

"O‘tgan 3 oy davomida ko‘p narsani o‘rganib, beqiyos tajriba orttirdim. Shu vaqt ichida 25 dan ortiq startapni jalb etdim, ularga mos akseleratsiya dasturlarini topdim va ommaviy axborot vositalarida fond haqida ma’lumot berdim. Ushbu lavozimdan ketish o‘z tashabbusim bilan bo‘lmoqda. Rasman oxirgi ish kunim 2025-yil 26-aprel," - deya yozdi Qurbonov o‘z sahifasida.

U mazkur lavozimga fond tashkil etilgan kun — 27-yanvarda tayinlangan edi.