Milliy statistika qo‘mitasining ma’lumotlariga ko‘ra, 2025-yilning yanvar va fevral oylarida jami 1 mln 32 ming nafar O‘zbekiston fuqarosi turistik maqsadlarda chet elga safar qilgan.

Bu ko‘rsatkich 2024-yilning mos davriga nisbatan 182,4 ming nafarga yoki 21,4 foizga ortgan.

Ushbu davrda O‘zbekiston fuqarolari eng ko‘p quyidagi davlatlarga tashrif buyurgan:

• Qirg‘iziston Respublikasi – 422 572 nafar;
• Tojikiston – 193 348 nafar;
• Qozog‘iston – 154 716 nafar;
• Saudiya Arabistoni – 81 173 nafar;
• Rossiya – 48 029 nafar;
• Turkiya – 33 039 nafar;
• BAA – 31 787 nafar;
• Misr – 11 078 nafar;
• Tailand – 10 803 nafar;
• Vetnam – 7 876 nafar;
• Boshqa davlatlar – 37 740 nafar.

Sayohat qiluvchilar safar maqsadlariga ko‘ra quyidagicha taqsimlangan:

• qarindoshlarni ziyorat qilish - 795 461 nafar;
• sayyohlik - 220 771 nafar;
• davolanish - 8 720 nafar;
• ta’lim olish - 5 191 nafar;
• xizmat safari - 2 018 nafar.

BAAga tashrif buyuruvchi o‘zbekistonliklar soni 2024-yilning mos davriga nisbatan 5,6 ming nafarga yoki 21,4 foizga ko‘paygan. Ularning 86 foizi sayyohlardan iborat bo‘lgan.

^{Foto: Pinterest}

Turkiyada esa bu ko‘rsatkich 2024-yilning mos davriga nisbatan 9,5 ming nafarga yoki 40,6 foizga oshgan. Ulardan 24 ming 366 nafari sayohat maqsadida borgan. Qarindoshlarini ziyorat qiluvchilar soni esa 7,5 mingtani tashkil etgan.

^{Foto: Shutterstock.com}

Shuningdek, Vetnamga ham sayohat qiluvchi o‘zbekistonliklar soni ortib bormoqda. Bunda ular 2024-yilning yanvar va fevral oylariga nisbatan 5,8 mingtaga yoki 3,8 barobarga oshgan. Ularning 90 foizdan ortig‘i sayyohlik maqsadida tashrif buyurgan.

^{Foto: travelata.ru}

Tailandga ham boruvchilar soni ko‘paygan. Bu raqam 2024-yilning mos davri bilan solishtirganda 6,1 ming nafarga yoki 2,3 barobarga oshgan. Ularning 88 foizi sayyohlik maqsadida kelgan. E’tiborli jihati shundaki, Tailandga qarindoshlarini yo‘qlash uchun borgan o‘zbekistonliklar soni 1 ming 220 nafarga yetgan.

^{Foto: Tailand, Krabi.}

Ma’lumot uchun, 2024-yilning yanvar-noyabr oylarida turistik maqsadlarda chet elga safar qilgan o‘zbekistonliklar 5,7 mln nafarni tashkil qilgandi.