Prezident Tech Award tanloviga arizalar qabul qilinmoqda. Bu haqda Prezident Tech Award'ning rasmiy sahifasida e’lon qilindi.

President Tech Award — umumiy sovrin jamg‘armasi 1 mln dollar bo‘lgan yirik innovatsion IT tanlovidir. U asosiy va maxsus toifalar yo‘nalishida o‘tkaziladi. 

Tanlov ishtirokchilarga jamiyatga foyda keltiradigan texnologik yechimlarni taqdim etish imkonini beradi. 

Bunda tanlovda ishtirok etayotgan startaplar orasidan quyidagi yo‘nalishlar bo‘yicha uchta startap tanlab olinadi:

• AI-Driven Technologies yo‘nalishi;
• Ijtimoiy sohada raqamli texnologiyalar yo‘nalishi;
• Kompyuter va mobil o‘yinlar yo‘nalishi;
• Micro-SaaS va AdTech-da texnologik echimlar yo‘nalishi;
• Tadbirkorlik va moliyaviy texnologiyalar yo‘nalishi.

Yakunda tanlangan uchta startapga quyidagi miqdorda pul mukofoti beriladi:

• 1-o‘rin — 100 ming dollar
• 2-o‘rin — 50 ming dollar
• 3-o‘rin — 30 ming dollar

Shuningdek, tanlovda maxsus toifa bo‘yicha saralash o‘tkaziladi. G‘olib chiqqan startapga esa 100 ming dollar miqdorida mukofot taqdim etiladi.

Tanlovda qatnashish uchun 1-iyulgacha ushbu havola orqali ro‘yxatdan o‘tish kerak bo‘ladi.

Ma’lumot uchun, 2024-yilning 7-dekabr kuni President Tech Awards tanlovi bo‘lib o‘tgandi. Unda quyidagi startaplar g‘olib deb topilgan:

^{Foto: IT Park Uzbekistan}

AI-Driven Technologies yo‘nalishi

1. TASS Vision
2. Gapiruvchi
3. Beshik

Ijtimoiy sohada raqamli texnologiyalar yo‘nalishi

1. Onlayn Hamshira
2. Stepogramma
3. BRAILLI TANISH

Kompyuter va mobil o‘yinlar yo‘nalishi

1. Gale-Force Entertainment
2. Fazliddin o‘yinlari
3. Grimoire Entertainment

Micro-SaaS va AdTech-da texnologik echimlar yo‘nalishi

1. OYGUL
2. StudentHunter
3. EduTizim

Tadbirkorlik va Fintex yo‘nalishi

1. Jobster
2. Sug‘urta Bozor
3. diip.uz