2025-yilning 1-mart sanasidan boshlab UZCARD kartalaridagi amaliyotlar to‘g‘risida Telegramda xabar beruvchi "Cardxabar" boti abonent to‘lovi oshirilmoqda.

Hozirda ushbu to‘lov oyiga 1 000 so‘mni tashkil qiladi. 1-mart sanasidan boshlab esa oylik abonent to‘lovi kiruvchi xabarlar soniga qarab belgilanadi. 

Bunda:

• 250 tagacha kiruvchi xabarlar uchun — 5 ming so‘m;
• 251 — 500 tagacha kiruvchi xabarlar — 15 ming so‘m;
• 501 — 2 ming tagacha — 30 ming so‘m;
• 2 001 — 20 ming gacha — 100 ming so‘m;
• 20 mingtadan ortiq xabarlar uchun to‘lov 500 ming so‘mni tashkil qiladi.

Ma'lumot uchun, HUMO to‘lov tizimining "HUMO Card" botida ham 2 xil tarif mavjud. Bunda faqatgina premium xizmat oyiga 1 ming so'm etib belgilangan.

Ushbu botlar asosan karta bilan bog‘liq jarayonlarni bankka bormasdan bajarish imkonini beradi. Masalan, plastik karta kodini 3 marta xato terish hisobiga bloklanib qoldi. Shunday holatda ushbu botlar yordamida kartani bankka bormasdan blokdan chiqarish mumkin. Shuningdek, kartadagi amaliyotlarni monitoring qilish qulayroqdir.